Hargeysa (Ramaas) Sept.11, 2011 - Kooxaha Manchester United iyo Manchester City ayaa sii waday guulihii isdaba jooga ahaa ee ay ka gadhayeen Horyaalka ingiriiska, sidaa oo kale kooxaha Arsenal, Chelsea, Tottenham iyo Stoke ayaa guulo gaadhay.
Kooxda Manchester United oo hanatay horyaalkii sanadkii hore ayaa mudooyinkan danbe ku socotay xawaare aad usareeya kadib kulankii wiigi hore oo ay 8-2 kaga badisay kooxda ay xifaaltamaan eeArsenal , waxa xigay kulankii shalay ay ee ay la yeesheen kooxda Bolton oo ay shan gool iyo waxba ku jiidhee. Waxa goolasha furay Hernandez oo baryahan dhawac ku maqnaa, sidoo kale xidiga reer ingiriis ee Wayne Rooney ayaa isna goolal saddex ah ka dhaliyey kulankaas. Waa markii labaad ee Manchester mudo laba wig gudohooda ay goolal intaas leeg ay dhaliyaan.
Manchester City oo baryahan danbe kusoo biiraysay kooxaha ugu awooda wayn horyaalka ingiriiska ayaa guul la taaaban karo ka gaadhay kulanki ay la yeelatay kooxda Wigan Athletic. Kulankan oo uu kadhex muuqday kabtankii hore ee kooxda Carlos Teves waxaa uu u shidnaaa Weeraryahanka Sergio Aguero oo ay dhawaan kala soo wareegtay kooxda Athletico Madrid ee dalka Spain. Sido kale waxa gool rigoore ah lumiyey Carlos Teves.
Waxa iyaguna guulo ka gaadhay kulamadoodi kooxda Chelsea oo marti u ahayd kooxda Sunderland, kulankan oo ay ka dhex muuqdeen laacibinta dhawantan u soo wareegay ee Raul Meireless iyo Juan Matta aya waxay kooxda Chelsea guusha u horseday kabtan John Terry iyo Daniel Sturidge oo labada gool ay ku badiyeen u dhaliyey. Sidoo kale kooxda Arsenal oo dhawaanahan la daalo dhacaysay guuldarooyin ayaa kulankii ay la yeelatay kooxda Swansea City guul ka gaadhay. Guul daradii ugu waynayd wiigani waxay la kulantay kooxda Liverpool oo gurigeeda ku booqatay kooxda Stoke City halkaas oo lagaga adkaaday 1-0.
Natiijooyinkii kulamadii kale:
Everton 2-2 Aston Villa
Wolves 0-2 Tottenham Spurs
Kulamada Maanta:
Norwich City vs Westbrom Albion
Fulham Vs Blackburn Rovers
QPR Vs Newcastle United
Horyaalka La Liga Ee SPAIN:
Kooxda Real Madrid ayaa guul ka gaadhay kulankii ay la yeelatay kooxda Getafe, kulankan oo ka dhacay garoonka Santiago Bernabeu ee Real Madrid. Real Madrid oo filaysay inay si sahlan ku jiidho kooxda Getafe waxa ay kala kulantay iska cabin badan. Karem Benzema oo furay goolasha ayaa dhaliyey goolkii koowada, inyar kadibna waxay kooxda Getafe keentay Goolkeedi barbardhaca ahaa. Qaybtii danbe ee ciyaarta markii lagu soo noqday waxa u suurto gashay inay Real Madrid dhaliso goolkeedi labaad kaas oo uu saxeexay C.Ronaldo inyar kadibna waxa goolki saddexaad u raaciyey Karem Benzema oo marlabaad booqday shabaga Kooxda Getafe, Real Madrid oo isa siisay guusha ayaa waxa kadaba imid gool labaad oo ay dhalisay kooxda Getafe wer werna galiyey tababare Jose Mourinho , dhamaadkii ciyaarta waxay Real Madrid dhalisy goolkeedi afaraad kaas oou saxeexay Higuain.
Kooxda Barcelona oo ah kooxda aduunka ugu awooda wayn aya kulanki ay la yeelatay Real Sociedad , kulankan oo ka dhacay garoonka Real sociedad waxa uu kusoo gabo gaboobay barbardhac ay labada kooxood isku mari waayeyn 2-2.
Kulamada Maanta Ee horyaalka Spain:
Real Betis VS Mallorca
Racing Santander Vs Levante
Osasuna Vs Sporting Gijon
Rayo Vallecano Vs Zarogoza
Espanyol Vs Athletic Bilbao.
Ramaas Sport News.
Hersiguure.
