Hargeysa (Ramaas) Dec 11,2011- Ciyaartii aadka loo wada sugayey waayahanba ayaa ku dhex martay labada kooxod ee Aduunka ugu heersareeya ee Barcelona iyo Realmadrid garoonka Santiago Barneabue ee Caasimada Dalka Spain.
Labadan kooxod oo uu ka dhaxeeyo xifaaltan aad wayni ayaa waxay labadooduba soo bandhigeen ciyaar aad u heersaraysa, waxa isla bilawgii ciyaarta gool ku horumartay kooxda Real Madrid kaas oo u saxeexay Karem Benzema, goolkan oo ah kii ugu dhakhsaha badna kulamdii dhex mari jiray labadan kooxod ayaa yimid isla daqiiqadii koowaad. inkastooy dhamaan qaybtii hore ee ciyaarta ay iska maamulanaysay Real Madrid ayaa waxay koxda Barcelona la timid goolkeedi barbardhaca ah aa kaas oo uu saxexay laacibka reer Chile ee Alexis Sanches qaybtii hore e ciyaartana sida ay kusoo dhamaatay.
Markii la isku soo noqday qaybtii danbe ee ciyaarta ayaa daqiiqadii 53aad ay marlabaad kooxda Barcelona keensatay goolkeedi labaad kaas oo kubad uu soo laagay Xavi Hernandez uu isku dhaliyey laacibka Real Madrid ee Marcello. inta wixi kadanbeeyey waxa ciyaarta lawareegay laacibiinta kooxda Barcelona, weeraro isdabo jooga ah kadib waxa usuurto gashay Barcelona inay goolkeedi saddexad latimaado kaas oo uu saxeexay laacibka dhexda uga ciyaara ee Cesc Fabregas.
Guushan ay la hoyatay kooxda Barcelona ayaa kadhigaya inay hogaanka kala horaynta horyaalka Spain kala wareegan kooxda Real Madrid.
Ramaas Sports
Hargeisa.
