Ukrain (Ramaas) 3 February -2012. Qaxooti Soomali ah oo si sharci darro ah ku galay dalka Ukraine ayaa lagu hayaa xabsiayada dalkaasi, Iyadoo dadkan qaar laga qabtay Xadka halka qaar kalena lagsoo qab qabtay wadanka gudihiisa oo ay si sharci daro ah kusoo galeen. Hay'adda u dooda xuquuqda aadanaha ee Amnesty International ayaa sheegtay in dadkaasi ay cunnada ka soomeen. Ayna ubaahanyihiin gar garaar caafimaad si dadka loo bad baadiyo noloshooda, iyadoo la sheegay in ay ku jiraan dumwar iyo caruur aad u yar yar. Mas’uliyiinta laanta socdaalka ee Ukraine, waxay ku doodayaan in dadkani aysan cunnda ka soomin ee guryahooda ay wax ku cunaan.
Hay'adda Amnesty International ayaa ugu baaqday dowladda Ukrainin ay dadkaasi ay ula dhaqato sida dadka magan galyo doonka ah, lakin waaxda socdaalka ee dalkaasi waxay leedahay dadkaasi waxaa loola dhaqamayaa si waafaqsan xeerarka Midowga Yurub ee la xiriira socdaalka.
Amnesty waxaa kale oo ay ugu digtay dowladda in ay dadkaasi ku celiso Soomaaliya, oo ay sheegtay in ay ka socdaan dagaalo. Dowladda Ukraine waxay ku adkaysanaysaa in ugu horeyntii ay baareyso in dadkani ay Soomali yihiin iyo in kale.
Ukraine waa goob marriin u ah dadka doonaaya in ay Europe soo galaan, waxayna badigooda ka soo galaan xadka uu dalkaasi la wadaago Ruushka.
Bashiir Adan
Xafiiska Ramaasnews/Russia
