Hargeysa(Ramaas) Feb.05, 2012 – labada gole ee Wakiilada iyo Guurtida jamhuuriyadda Somaliland, ayaa maanta cod aqlabiyad ah ku ansixiyey qodob madaxda iyo muwaadiniinta Somaliland ka mamnuucayey ka qaybgalka shirarka loo qabto kooxaha talada dalka Somaliya ku hirdamaya.
Arinta maanta labada gole xayiraada kaga qaadeen masuuliyiinta Somaliland, ayaa waxa looga gol leeyahay ka qaybgalka shirka bishan 23-keeda ka dhici doona dalka boqortooyada Ingiriiska, kaas oo xal loogu raadinayo dhibaatada daba dheeraatay ee ka taagan dalka Somaliland. Fursada uga banaan dalka Somaliland ka qaybgalka shirkaasna lagu sheegay, in ay halkaa ka jeedin doonaan warbixin ku arooraysa sidii ay wax u qabsadeen.
Haddaba, idaacada Afla Soomaaliga ee dalka Mareykanka, wakiilkeeda magaalada Hargeysa ayaa warbixintan ka diyaariyey, sidii ay u dhacday codboxintaasi, kadibna su'aalo ka weydiiyey guddoomiyaha golaha wakiilada mudane Cabdiraxmaan Maxamed Cabdillaahi, isla marka halkan idiinka soo gudbin doona hadal uu ka hor codbixintii halkaa ka jeediyey Xaaji Cabdi Xusseen “Cabdi Waraabe” oo isagu ah ruug cadaa ka tirsan golaha guurtida JSL.
Warka ku saabsan arinta si aad u dhageysato fadlan riix badhinka doogada ah:
Ramaasnews Desk
Hargeisa.
