Sooljoogta(Ramaas) Jan, 26, wararka ka soo baxaya jiida Sooljoogta oo ka tirsan degmada Buhoodle, ayaa sheegaya in dagaalkii maanta ka dhacay dhulkaas oo uu ka dhashay khasaare culus oo sababay dhimasho iyo dhaawacyo soo gaadhay kooxda hubaysan ee reer Buhoodle iyo ciidanka Qaranka .
Maydadka dhawr askari oo ka tirsan labada geesood la sheegay in lagu arkay goobihii uu daaglku ka qarxay,iyada oo madaxda kooxda deegaanka Buhoodle ay dhankooda sheegayaan in laga dilay askar, balse aanay sheegin tiradooda rasmiga,iyaga oo sida oo kale sheegtay in ay dileen askar ka tirsan ciidanka Milatariga Somaliland.
Xukuumada Somaliland ayaan ka hadal dagaalkaas iyo khasaaraha ka dhashayba, iyada oo rasaas xoogan laga maqlayo deegaankaas Balliga- Shangoole oo ilaa 5 KM u jira Sooljoogta oo ah xudunta colaadii galabta bilaabantay.
Dagaalka maanta ka dhacay ayaa ku soo beegmay xilli ay Garaadadii ka qaybgalay shirkii lagu aas-aasay maamulka Khaatumo State oo ka dhacay degmada Taleex,kuwaasoo booqasho ku joogo Magaalada Buhoodle oo ay ka wadaan dhaqdhaqaaqyo siyaasadeed.
Ramaasnews Desk
Hargeisa .
