Russia(Ramaas) 4 february- 2012 Waxaa Maanta oo Sabti ah wadanka Ruushka ka soconaya Laba Mudaharaad oo waaweyn kuwaas oo iska soo horjeeda. Mudaharaadayaashan iska soo horjeeda ayaa waxaa mid kamida lagu codsanayay in Raysal Wasaaraha Wadanka Ruushka Vladamir Butin uu iska casilo Jagwada oo ssnu mar danbe isa soo sharaxin Halka kalena lagu taageersanaa.
Kumanaan ka mida ah dad weynaha ku dhaqan Caasimada wadanka Ruushka ee Mosco ayaa isugu soo baxay barxada weyn ee loo yaqaano Red Square halkaas oo ay ku taageerayeen Vladamir Butin, iyagoo ku dhawaaqayay halku dhegyo ay ku cadaynayaan siday u taageersanyihiin Raysal wasaaraha Mr Butin.
Waxaana halkaas ka hadlay masuuliyiin aad u tiro badan , Iyadoo dhamaan dadkaasi isaga daba mareen sida ay u taageersanyihiin Butin uuna wadanka u gaadhsiiyay horumar la taabankaro.
Dhanka kale Waxaa meel aan sidaas uga fogayn halka uu ka socday mudaraaadka lagu taageersanaa Butin waxaa ka dhacayay mudaraad kale oo kasoo hor jeeda kaas oo ay dad weynuhu ku codsanayeen in Raysal wasaare Vladamir Butin uu xilka iska casilo mar danbena aanu isu soo sharaxin jagada Madaxaweynenimo ee uu ku dhawaaqay inuu u taaganyahay oo uu yahay Musharax.
Dadkan ayaa sitay boodhadh fara badan oo ay ku qoran yihiin halku dhegyo ay kaga soo horjeedaan Mr Butin, iyadoo wadanka Ruushka dhamaan uu ka da,ayo baraf aad u badan cimiladuna ay aad u qabawdahay ayna adagtahay in dadku ay taagnaan karaan dariiqyada, ayaa hadana waxaa isu soo baxay dadweyne aad u fara badan, iyagoo bilaabay mudaharaadyada 10 kii subaxnimo.
Dhanka kale dhamaan Gobolada wadanka Ruushka ayaa iyana waxaa kasoconaya mudaharaadyo kuwaas lamida oo iska soo horjeeda.
Sanadkii hore ayaa waxaa wadaka Ruushka ka dhacay doorasho lagu soo doortay Baarlamaanka wadanka Ruushka, taas oo dadku ay aad uga biyo diideen , iyagoo sheegay in si xaq ah oo xalaala aan loo maamulin oo ay ku shubteen xisbiga talada haya ee Russian Union ama Ruushka Midoobay kaas oo ay Hogaamiyaan Vladamir Butin oo ah Raysal wasaaraha Wadanka iyo Demitri Medvedeev oo ah Madaxweynaha .
Sikastaba ha ahaatee waxaa laga cabsi qabaa in ay mudaharaadadni ay sii socdaan oo ay dadku debada usoo wada baxaan si la mida kuwii ka dhacay Wadamada Carabta.
Bashiir Adan
Xafiiska Ramaasnews/Russia.
