Af-Madow(Ramaas) Dec. 18, 2011-Meydadka saddex ruux oo qoorta laga gooyay, ayaa waxa lagu arkay inta u dhaxeyso degmada Afmadow iyo Qooqaani ee Gobbolka jubbada hoose, halkaasoo ay ka jiraan dagaalo u dhaxeeya dhinacyada gobbolka isku haya.
Saddexdan qof ee meydkooda lagu arkay deegaano ka tirsan Jubbada hoose ayaa waxa ay kala yihiin Labo wiil oo dhalinyara ah iyo nin waayeel ah, lamana garanaya cida dishay laakiin meesha meydadkoodu lagu arkay ayaa ah duleedka degmada Afmadow oo ay ka taliyaan Xoogaga Xarakada Al-shabaab.
Qaar kamnid ah dadka ku dhaqan deeganka Qooqaani ayaa warbaahinta deegaankaas u xaqiijiyay meydka Sedexdaasi qof ee qoorta laga gooyay, ilaa iyo imikana lama garanayo sababta ka danbeeysay dilka nimankaasi.
Maaha markii ugu horeysay oo deegano ka tirsan gobolka Jubbada hoose lagu arko dhacdo ceynkan oo kale ah, haseyeeshee hore ayaa waxa jiray dad sidan oo kale qoorta looga gooyay oo lagu arkay deegaano katirsan gobolka Jubbada hoose.
Ramaasnews Desk
Hargeisa
